Templeton Global Investments O‘zbekiston Respublikasi Milliy Investitsiya jamgʻarmasining ishonchli boshqaruvchisi va menejeri etib tayinlangan

Toshkent, O‘zbekiston, 2025-yil 3-fevral – Franklin Templeton¹ kompaniyasining investitsiya bo‘yicha mutaxassis menejeri Templeton Global Investments O‘zbekiston Iqtisodiyot va moliya vazirligi bilan Investitsiyalarni boshqarish to‘g‘risidagi bitim (IMA) imzolanganini mamnuniyat bilan e’lon qiladi. IMA shartlariga muvofiq O‘zbekistonning Toshkent shahrida joylashgan Franklin Resources Inc. kompaniyasining to‘liq egaligidagi bilvosita sho‘ba korxonasi – Franklin Templeton Asset Management Foreign Enterprise Limited Liability Company O‘zbekiston Milliy investitsiya jamgʻarmasining (O‘zMIF) ishonchli vakili va boshqaruvchisi etib tayinlandi.

Franklin Templeton taxminan 1,5 milliard² AQSH dollariga baholangan 18 ta davlat korxonasida UzNIFning minoritar ulushini boshqaradi. Mazkur strategik hamkorlik O‘zbekistonning asosiy davlat korxonalarida kuchli salohiyatni oshirish, xalqaro investitsiyalarni jalb qilish, kapital bozorlarini mustahkamlash hamda iqtisodiy o‘sish va rivojlanishni rag‘batlantirish uchun korporativ qiymatni maksimal darajada oshirishga qaratilgan iqtisodiy islohotlar dasturida muhim qadamdir.

Manraj Sekhon, Templeton Global InvestmentsInvestitsiya boʻyicha bosh direktori fikricha: “Davlat korxonalarini isloh qilish jarayonini tezlashtirish va mahalliy kapital bozorlarini rivojlantirishga ko‘maklashish uchun O‘zbekiston hukumati bilan O‘zbekiston UzNIF ishonchli vakili va boshqaruvchisi sifatida hamkorlik qilish biz uchun sharaf. Rivojlanayotgan bozorlar misli ko‘rilmagan o‘sish davrining old saflarida turibdi va UzNIF esa O‘zbekistonni jahon miqyosida namoyon etadigan va xalqaro investorlarga mamlakat iqtisodiyotining jadal modernizatsiyasidan kelib chiqadigan jozibador imkoniyatlardan foydalanish imkonini beradigan noyob tashabbusdir.”

Soʻzini davom ettirib: “Deyarli 40 yillik tajribaga ega Templeton Global Investments rivojlanayotgan bozorlarga sarmoya kiritish bo‘yicha birinchilardan hisoblanadi. Rivojlanayotgan bozorlardagi keng qamrovli tajribamiz va mustahkam global platformamiz asosida, biz hukumat bilan hamkorlikda UzNIF portfelidagi kompaniyalarning samaradorligi, daromadliligi va xalqaro investorlar uchun jozibadorligini oshirishga yordam berish imkoniga egamiz. O‘zbekistonning iqtisodiy o‘zgarishiga UzNIF ixtisoslashgan boshqaruvi ko‘maklashadi, bu esa O‘zbekiston xalqi manfaati yo‘lida uzoq muddatli barqaror iqtisodiy o‘sishni ta’minlaydi.”

UzNIF 2024-yil 27-avgustda Oʻzbekiston Respublikasi Prezidenti qaroriga muvofiq aksiyadorlik jamiyati sifatida tashkil etilgan. U davlat egaligidagi eng muhim koroxnlarda 20% dan 40% gacha strategik ulushlarga egalik qiladi. Oʻzbekiston hukumati esa dastlab UzNIFga 100% egalik qiladi. O‘sishni rag‘batlantirish va global investorlarni jalb qilish uchun mandatning asosiy ustuvor vazifasi UzNIFni ham Toshkent fond birjasida (TFB), ham yetakchi xalqaro fond birjalaridan birida ro‘yxatdan o‘tkazishga ko‘maklashish bo‘ladi. Bundan tashqari, Templeton Global Investments hukumat bilan yaqindan hamkorlik qilib, qiymatni oshiruvchi strategik loyihalar ustida ishlab, asosiy e’tiborini portfeldagi davlat korxonalari samaradorligini oshirishga qaratadi.

Marius Dan, Templeton Global Investments Bozorni rivojlantirish strategiyalari boʻyicha direktori fikricha: “Biz O‘zbekiston va UzNIFning jahon miqyosidagi yirik institutsional investorlar orasidagi nufuzini oshirishga intilmoqdamiz, chunki bu diversifikatsiyalangan portfel orqali juda jozibador va qiziqarli imkoniyatlarni taqdim etishiga ishonamiz. Biz rivojlanayotgan bozor mablag‘larini boshqarish bo‘yicha katta tajribaga va sinovdan o‘tgan tajribaga egamiz, bu esa bizni ushbu loyiha uchun ideal hamkor sifatida ko‘rsatadi. Biz bu yil Toshkentda ofisimizni ochishni va kengroq tashkilotimiz tomonidan qo‘llab-quvvatlanadigan kuchli mahalliy jamoani shakllantirishni intizorlik bilan kutmoqdamiz.”

Templeton Global Investments 2025-yil aprel oyida ishga tushirilishi kutilayotgan Jamg‘arma uchun Iqtisodiyot va moliya vazirligi hamda asosiy mahalliy manfaatdor tomonlar bilan hamkorlik qiladi. Investitsiya menejeri 15 yildan ortiq muddat davomida rivojlanayotgan bozorlarning o‘xshash ixtisoslashgan mandatlarini faol boshqarishda Fondul Proprietatea – London va Buxarestda ro‘yxatga olingan Ruminiya yopiq jamg‘armasini kuzatib bordi, uning eng yuqori nuqtasida bozor kapitallashuvi 3 milliard AQSH dollaridan ³ oshgan edi.

Templeton Global Investments global va rivojlanayotgan bozorlarda kashshof bo‘lib, moliya bozorlarida o‘nlab yillik tajribaga ega. Uning investitsiya boʻyicha mutaxassislari mahalliy sanoatlar va sohalar boʻyicha keng tarmoqli bilimga ega. 19 mamlakatda 100 dan ortiq maxsus investitsiya mutaxassislari va ofislariga ega bo‘lgan mutaxassis investitsiya menejeri 70 milliard⁴ AQSH dollaridan ortiq aktivlarni boshqaradi. Templeton Global Investments 150 dan ortiq mamlakatda mijozlarga xizmat ko‘rsatuvchi va boshqaruv ostidagi aktivlari taxminan 1,6 trillion⁴ AQSH dollariga teng bo‘lgan dunyodagi eng yirik aktiv menejerlaridan biri Franklin Templeton'ning bir qismidir. Franklin Templeton'ning vazifasi – mijozlarga investitsiyalarni boshqarish bo‘yicha tajriba, boyliklarni boshqarish va texnologik yechimlar orqali yaxshiroq natijalarga erishishga yordam berish. Kompaniya global miqyosda ixtisoslashuvni taklif etib, doimiy daromad, kapital, muqobillar va ko‘p aktivli yechimlar bo‘yicha keng imkoniyatlarni taqdim etadi.

-TUGADI-

Aloqa maʼlumotlari:

Hudson Sandler Charlie Jack, Oliver Aplin, Francis Kerrigan Tel: +44 20 7796 4133 Email: [email protected]

Elena Birjovanu Korporativ aloqalar boʻyicha bosh menejer Franklin Templeton Tel: + 40 725 301 189 Email: [email protected]

Muharrirlarga eslatmalar: Franklin Templeton haqida

1. Franklin Resources, Inc. [NYSE:BEN] – Franklin Templeton sifatida faoliyat olib boradigan global investitsiyani boshqarish tashkiloti va 150 dan ortiq mijozlarga xizmat koʻrsatadi. Franklin Templeton'ning vazifasi – mijozlarga investitsiyalarni boshqarish bo‘yicha tajriba, boylikni boshqarish va texnologik yechimlar orqali yaxshiroq natijalarga erishishga yordam berish. Investitsiyalar boʻyicha mutaxassis menejerlari bilan kompaniya global miqyosda ixtisoslashuvni taklif etib, doimiy daromad, kapital, muqobillar va ko‘p aktivli yechimlar bo‘yicha keng imkoniyatlarni taqdim etadi. 1500 dan ortiq investitsiya mutaxassislari va butun dunyo bo‘ylab yirik moliya bozorlarida ofislari bo‘lgan Kaliforniyada joylashgan kompaniya 75 yildan ortiq investitsiya tajribasiga va 2024-yil 31-dekabr holatiga ko‘ra 1,6 trillion AQSH dollaridan ortiq aktivlarga ega. Batafsil maʼlumot uchun www.franklinresources.com saytiga kiring.
2. Manba: Franklin Templeton tomonidan 2025-yil 27-yanvar holatiga ko‘ra hisoblangan.
3. Manba: Franklin Templeton. 2011-yil 25-yanvardagi listingdan boshlab 2024-yil 31-martgacha aksiyadorlarning umumiy daromadliligi 632,4% AQSH dollari va 983,2% mahalliy valyutada. 2023-yil 30-iyun holatiga ko‘ra, Hidroelectrica IPO dan oldin, Jamg‘armaning sof aktivlari qiymati 2,84 milliard AQSH dollarini tashkil etgan. Franklin Templeton Fondul Proprietatea aksiyadorlariga dividendlar va aksiyalarni sotib olish orqali 7,0 milliard AQSH dollaridan ortiq mablag‘ni tarqatdi.
4. Manba: Franklin Templeton 2024-yil 31-dekabr holatiga koʻra.

Bu hujjat umumiy maʼlumot sifatida taqdim etilgan va professional maslahatning oʻrnini bosmaydi. Franklin Templeton va uning boshqaruv guruhlari ushbu hujjatdagi ma’lumotlarni to‘plash va qayta ishlashda professional g‘amxo‘rlik va tirishqoqlik ko‘rsatdilar. Franklin Templeton ushbu hujjatning aniqligi boʻyicha vakillik yoki kafolatlar taqdim etmaydi. Franklin Templeton bu hisobotning har qanday foydalanuvchisi yoki boshqa shaxs yoki tashkilot oldida ushbu press-relizdagi ma’lumotlarning noto‘g‘riligi yoki uning tarkibidagi har qanday xato yoki kamchiliklar uchun, bunday noaniqlik, xato yoki kamchilikning sababidan qat’i nazar, javobgar bo‘lmaydi.

Bu hujjatdagi har qanday tadqiqot va tahlil Franklin Templeton tomonidan o‘z maqsadlari uchun sotib olingan.

Bu material investitsiya bo‘yicha maslahat yoki qimmatli qog‘ozlar uchun ariza berish taklifi hisoblanmaydi. Investorlar investitsiya yuzasidan qaror qabul qilishdan avval professional moliyaviy maslahatchilar bilan maslahatlashishlari va taklif etilayotgan har qanday investitsiya haqida to‘liq ma’lumot olishlari lozim. Investitsiyalar xavf-xatarlarga ega boʻladi. Investitsiyalar qiymati pasayishi va oshishi ham mumkin va investorlar investitsiya qilgan toʻliq summani qaytarib olmasligi ham mumkin. Barcha mahsulot hamda xizmatlar ham barcha yurisdiksiyalarda mavjud emas.

Mualliflik huquqi © 2025. Franklin Templeton. Barcha huquqlar himoyalangan.