Umumiy ko‘rinish
Portfel
Portfel taqsimoti
Portfel tarkibi
“O‘zbekiston Respublikasi Milliy investitsiya jamg‘armasi” AJning (“Kompaniya”) ushbu veb-saytida mavjud ma’lumotlar faqat Amerika Qo‘shma Shtatlaridan (shu jumladan AQSh tasarrufidagi hududlar, AQShning har qanday shtati hamda Kolumbiya okrugi, “AQSh”), Avstraliya, Kanada va Yaponiyadan tashqarida rezident bo‘lgan hamda jismonan joylashgan shaxslar uchun mo‘ljallangan. Mazkur ma’lumotlar, shuningdek, ulardan foydalanish, ularni tarqatish yoki oshkor etish tegishli mahalliy qimmatli qog‘ozlar to‘g‘risidagi qonunchilik yoki normativ hujjatlarni buzmaydigan yurisdiksiyalarda rezident va jismonan joylashgan hamda AQShning 1933-yildagi Qimmatli qog‘ozlar to‘g‘risidagi qonuniga kiritilgan o‘zgartirish va qo‘shimchalar bilan qabul qilingan S Reglamentining 902(k)-qoidasida belgilangan ma’nodagi AQShga mansub bo‘lmagan shaxslar uchun mo‘ljallangan.
Ushbu ma’lumotlar Amerika Qo‘shma Shtatlari, Avstraliya, Kanada, Yaponiya yoki bunday taklif yoxud taklifga da’vat tegishli mahalliy qimmatli qog‘ozlar to‘g‘risidagi qonunchilik yoki normativ hujjatlarni buzishi mumkin bo‘lgan boshqa har qanday yurisdiksiyada Kompaniyaning (yoki Kompaniya portfelidagi kompaniyalarning) qimmatli qog‘ozlarini sotish bo‘yicha taklif yoki ularni sotib olish yoxud boshqa tarzda qo‘lga kiritish bo‘yicha taklifga da’vat hisoblanmaydi.
Ushbu veb-saytdagi ma’lumotlar faqat quyidagi shaxslarga mo‘ljallangan: (a) Yevropa Iqtisodiy Hududi a’zo davlatlarida joylashgan hamda (Yevropa Ittifoqi) 2017/1129-sonli Reglamentning 2(e)-moddasida nazarda tutilgan “munosib investorlar” toifasiga kiruvchi shaxslar; (b) Buyuk Britaniyadagi quyidagi shaxslar: (i) investitsiyalar bilan bog‘liq masalalarda professional tajribaga ega bo‘lgan hamda 2005-yildagi Moliyaviy xizmatlar va bozorlar to‘g‘risidagi qonun (Moliyaviy rag‘batlantirish) buyrug‘ining (“Buyruq”) 19(5)-moddasida nazarda tutilgan “investitsiya mutaxassislari” tushunchasiga kiruvchi yoki Buyruqning 49(2)(a)–(d)-moddalarida nazarda tutilgan shaxslar; va (ii) 2024-yildagi Ommaviy takliflar va savdolarga qo‘yishga ruxsat berish to‘g‘risidagi qoidalarda nazarda tutilgan ma’nodagi “munosib investorlar” hisoblangan shaxslar; va (c) mazkur ma’lumot qonuniy ravishda taqdim etilishi mumkin bo‘lgan boshqa shaxslar.
Ushbu veb-saytdagi ma’lumotlar faqat axborot berish maqsadida taqdim etilgan bo‘lib, individual investitsiya maslahati yoki har qanday qimmatli qog‘ozni sotib olish, sotish yoki saqlab turish, shuningdek biror investitsiya strategiyasini qo‘llash bo‘yicha tavsiya yoki taklifga da’vat sifatida talqin qilinmasligi lozim.
Barcha investitsiyalar xatarlar bilan bog‘liq bo‘lib, ular jumlasiga 2026-yil 13-mayda e’lon qilingan Kompaniyaning emissiya prospektida bayon etilgan xatarlar ham kiradi (mazkur emissiya prospekti ushbu veb-saytda va Buyuk Britaniyaning Moliyaviy Nazorat Boshqarmasi (Financial Conduct Authority, FCA) tomonidan yuritiladigan Korporativ ma’lumotlarni saqlash bo‘yicha milliy elektron tizimida (National Storage Mechanism, NSM) mavjud).
Hech qanday strategiya maqsadga erishishni kafolatlamaydi. O‘tgan davrdagi natijalar kelgusidagi natijalarning ko‘rsatkichi ham, kafolati ham hisoblanmaydi. Natijalarga valyuta kurslarining o‘zgarishi ta’sir ko‘rsatishi mumkin. Likvidlikning pasayishi aktivlar narxiga salbiy ta’sir ko‘rsatishi mumkin. Rivojlanayotgan bozorlardagi investitsiyalar bilan bog‘liq xatarlar rivojlangan bozorlardagiga nisbatan yuqoriroq bo‘lishi mumkin. Strategiya muayyan sektor yoki geografik hududga investitsiya qilgan hollarda, daromadlilik ko‘proq diversifikatsiya qilingan strategiyalarga nisbatan yuqori o‘zgaruvchanlikka ega bo‘lishi mumkin.
KAFOLATLAR BO‘YICHA JAVOBGARLIKDAN VOZ KECHISH
SIZ USHBU SAYT HECH QANDAY QO‘SHIMCHA KAFOLATLARSIZ, JORIY HOLATDA VA MAVJUD BO‘LGAN DARAJADA TAQDIM ETILISHINI TAN OLASIZ HAMDA BUNGA ROZILIK BILDIRASIZ. FRANKLIN TEMPLETON, UNING AFFILLANGAN TASHKILOTLARI YOKI ULARNING TEGISHLI MANSABDOR SHAXSLARI, DIREKTORLAR, XODIMLAR, AGENTLARI YOXUD FRANKLIN TEMPLETON’NING AQSH SOLIQ KODEKSINING 529-MODDASIGA MUVOFIQ TA’LIM UCHUN JAMG‘ARISH DASTURI (BIRGALIKDA “FRANKLIN TEMPLETON BILAN BOG‘LIQ SHAXSLAR”) SAYTNING O‘Z VAQTIDA ISHLASHI, ANIQLIGI, ISHONCHLILIGI, TO‘LIQLIGI YOKI FOYDALILIGINI KAFOLATLAMAYDI.
FRANKLIN TEMPLETON BILAN BOG‘LIQ SHAXSLAR HECH BIRI SAYT YOKI YUKLAB OLINADIGAN MATERIALLAR SIZNING EHTIYOJLARINGIZ YOKI KUTGAN NATIJALARINGIZGA MOS KELISHINI, UZLUKSIZ, XAVFSIZ YOKI XATOLARSIZ ISHLASHINI YOXUD SAYT, UNING SERVERI YOKI SAYT ORQALI YUKLAB OLISH MUMKIN BO‘LGAN FAYLLAR KOMPYUTER VIRUSLARI YOKI BOSHQA ZARARLI ELEMENTLARDAN XOLI EKANLIGINI KAFOLATLAMAYDI. FRANKLIN TEMPLETON BILAN BOG‘LIQ SHAXSLAR SAYTDAN FOYDALANISH NATIJASIDA QURILMANGIZGA TUSHISHI MUMKIN BO‘LGAN KOMPYUTER VIRUSLARI YOKI YUZAGA KELISHI MUMKIN BO‘LGAN BOSHQA HAR QANDAY ZARARLAR UCHUN HECH QANDAY JAVOBGARLIKNI O‘Z ZIMMASIGA OLMAYDI. XUSUSAN, BOZORDAGI YUQORI O‘ZGARUVCHANLIK YOKI NOODATIY FAOLLIK DAVRLARIDA TIZIMNING ISHLASH TEZLIGI PASAYISHI YOKI UNDAN FOYDALANISH IMKONIYATI CHEKLANISHI MUMKIN.
SIZ SAYTDAN FOYDALANISH ORQALI SAYTNING SIFATI VA ISHLASHI, SHUNINGDEK SAYTNING O‘Z VAQTIDA ISHLASHI, FOYDALILIGI, ANIQLIGI YOKI TO‘LIQLIGI BILAN BOG‘LIQ BARCHA XATARLARNI O‘Z ZIMMANGIZGA OLISHINGIZNI TAN OLASIZ VA BUNGA ROZILIK BILDIRASIZ.
FRANKLIN TEMPLETON BILAN BOG‘LIQ SHAXSLARNING BARCHASI USHBU SAYTGA NISBATAN HAR QANDAY BEVOSITA YOKI NAZARDA TUTILGAN BAYONOTLAR, MA’QULLASHLAR YOKI KAFOLATLARNI, SHU JUMLADAN, CHEKLANMAGAN HOLDA, ODATIY FOYDALANISH UCHUN YAROQLILIK (MERCHANTABILITY), MUAYYAN MAQSAD UCHUN YAROQLILIK HAMDA UCHINCHI SHAXSLAR HUQUQLARINING BUZILMASLIGIGA OID NAZARDA TUTILGAN KAFOLATLARNI RAD ETADI.
YUQORIDA BAYON ETILGANLARNING UMUMIY MAZMUNINI CHEKLAMAGAN HOLDA, FRANKLIN TEMPLETON BILAN BOG‘LIQ SHAXSLARNING BARCHASI SAYTDAN FOYDALANISH NATIJASIDA YUZAGA KELADIGAN HAR QANDAY OQIBATLAR YOKI NATIJALARGA NISBATAN BARCHA KAFOLATLARNI RAD ETADI.
Saytga ulanish va undan foydalanish bilan bog‘liq javobgarlik sizning zimmangizda. Siz saytga kirish uchun foydalanadigan vositalar uchun javobgar ekanligingizni tan olasiz hamda sizning apparat vositalaringiz, dasturiy ta’minotingiz, Internet tarmog‘i, internet-provayderingiz va sizni saytimizga ulashda ishtirok etuvchi boshqa uchinchi shaxslar kutilganidek yoki istalgan tarzda ishlamasligi mumkinligini tushunasiz.
Uchinchi shaxslar tomonidan yetkazilgan zararlar uchun javobgarlikning rad etilishi. Franklin Templeton, shuningdek, saytdan foydalanish orqali uchinchi shaxslar tomonidan sizga qasddan yoki ehtiyotsizlik oqibatida yetkazilishi mumkin bo‘lgan zararlar uchun javobgarlikni rad etadi. Masalan, siz xakerlar xavfsizlik tartib-taomillarimizni buzib o‘tishi mumkinligini hamda Franklin Templeton bu bilan bog‘liq har qanday zararlar uchun javobgar bo‘lmasligini tushunasiz.
Ma’lumotlardan foydalanish bilan bog‘liq ogohlantirish. Hisobvaraq ma’lumotlari va narxlar to‘g‘risidagi ma’lumotlarni o‘z ichiga olgan sayt kontenti to‘liq va aniq bo‘lishini ta’minlash uchun oqilona ehtiyot choralari ko‘rilgan. Biroq, axborotni yetkazib berish texnologiyasining xususiyati hamda Uchinchi Shaxs Kontentini ham o‘z ichiga oluvchi bir nechta ma’lumot manbalaridan foydalanish zarurati sababli, biz sayt orqali siz foydalanadigan ma’lumotlarning aniqligini kafolatlay olmaymiz.
Sayt kontenti faqat e’lon qilingan yoki ko‘rsatilgan sanadagi holat bo‘yicha taqdim etiladi hamda keyingi bozor hodisalari yoki boshqa sabablarga ko‘ra o‘z dolzarbligini yo‘qotishi mumkin. Franklin Templeton sayt yoki undagi har qanday kontentni yangilab borish majburiyatini olmaydi.
SAYT ORQALI TAQDIM ETILGAN MA’LUMOTLARNING ANIQLIGIGA TAYANILGAN HOLDA SIZ TOMONIDAN AMALGA OSHIRILGAN HAR QANDAY HARAKATLAR YOKI QABUL QILINGAN INVESTITSIYA QARORLARI OQIBATIDA YUZAGA KELADIGAN ZARARLAR UCHUN BIZ SIZ YOKI HAR QANDAY UCHINCHI SHAXS OLDIDA JAVOBGAR BO‘LMAYMIZ.
Kelajakka oid bayonotlar to‘g‘risidagi ogohlantirish. Bozor va iqtisodiy sharoitlar, kompaniya yoki qimmatli qog‘ozlar faoliyati, kelgusidagi mahsulot takliflari yoki boshqa prognozlarga oid taxminlar yoxud bildirilgan fikrlar 1995-yildagi Xususiy qimmatli qog‘ozlar bo‘yicha sud nizolarini isloh qilish to‘g‘risidagi qonunga (Private Securities Litigation Reform Act of 1995) muvofiq “kelajakka oid bayonotlar” hisoblanadi hamda xatar va noaniqliklarni o‘z ichiga oladi.
Umumiy biznes, bozor, iqtisodiy yoki siyosiy sharoitlardagi o‘zgarishlar sababli haqiqiy natijalar hozirda kutilayotgan yoki prognoz qilinayotgan natijalardan sezilarli darajada farq qilishi mumkin.
Tegishli yurisdiksiyalarning (shu jumladan, biroq ular bilan cheklanmagan holda, Buyuk Britaniya va O‘zbekistonning) oshkor qilish hamda doimiy ravishda axborot taqdim etishga oid amaldagi qonunchilik va normativ hujjatlarida nazarda tutilgan hollardan tashqari, Kompaniya ushbu veb-saytda joylashtirilgan ma’lumotlarni yangi ma’lumotlar, kelgusidagi hodisalar yoki boshqa sabablarga ko‘ra yangilash majburiyatini olmaydi.
Internet orqali elektron pochta. Maxfiy yoki ehtiyotkorlik bilan muomala qilinishi lozim bo‘lgan ma’lumotlarni yuborishda elektron pochtadan foydalanmaslikni tavsiya etamiz. Agar siz Internet orqali bizga elektron pochta yuborsangiz (shifrlangan yoki shifrlanmagan bo‘lishidan qat’i nazar), siz bunday aloqa vositasida maxfiylik kafolatlanmasligi bilan bog‘liq xatarlarni qabul qilgan hisoblanasiz.