Ushbu veb-saytdagi materiallar Amerika Qo‘shma Shtatlari, Avstraliya, Yaponiya, Kanada yoki bunday harakat ushbu yurisdiksiyaning tegishli qonunlari yoki reglamentlarini buzish deb hisoblanadigan boshqa har qanday yurisdiksiya hududida bevosita yoki bilvosita, to‘liq yoki qisman tarqatish, nashr etish yoki e’lon qilish uchun mo‘ljallanmagan, shuningdek, AQSH shaxslari (AQSH rezidentlari hisoblangan jismoniy va yuridik shaxslar) uchun ham mo‘ljallanmagan. Ushbu veb-saytdagi ma’lumotlar va hujjatlardan foydalanish tartibga soluvchi organlar talablariga muvofiq cheklangan. Ushbu cheklangan veb-saytdan foydalanmoqchi bo‘lgan har safaringizda sizdan quyidagi ma’lumotlar bilan tanishib chiqish va tasdiqlashni amalga oshirish so‘raladi. Tasdiqlash haqiqiy va aniq bo‘lishi lozim.
“O‘zbekiston Respublikasi milliy investitsiya jamg‘armasi” AJning (“Jamiyat”) ushbu veb-saytidagi ma’lumotlar faqatgina Amerika Qo‘shma Shtatlari (uning hududlari va mulklari, AQSHning istalgan shtati va Kolumbiya okrugini o‘z ichiga olgan holda – “Amerika Qo‘shma Shtatlari”), Avstraliya, Kanada yoki Yaponiyadan tashqarida istiqomat qiladigan va jismonan ushbu hududlardan tashqarida bo‘lgan shaxslar uchun, shuningdek, bunday harakat ushbu yurisdiksiyaning qimmatli qog‘ozlar to‘g‘risidagi mahalliy qonun hujjatlari yoki reglamentlarini buzish deb hisoblanmaydigan hamda AQSH shaxslari (AQSHning 1933-yildagi Qimmatli qog‘ozlar to‘g‘risidagi qonuniga (o‘zgartirish va qo‘shimchalar bilan birga) (“Qimmatli qog‘ozlar to‘g‘risidagi qonun”) muvofiq S reglamentining 902(k)-qoidasida belgilangan va quyida ham keltirilgan ta’rifga muvofiq) bo‘lmagan shaxslar uchun mo‘ljallangan hamda bevosita yoki bilvosita, to‘liq yoki qisman faqat o‘shalar tomonidan foydalanilishi yoki ularga tarqatilishi mumkin; va (b) Amerika Qo‘shma Shtatlari, Avstraliya, Kanada, Yaponiya yoki bunday harakat ushbu yurisdiksiyaning qimmatli qog‘ozlar to‘g‘risidagi mahalliy qonun hujjatlari yoki reglamentlarini buzish deb hisoblanishi mumkin bo‘lgan boshqa har qanday yurisdiksiyada Jamiyatning biron-bir qimmatli qog‘ozlarini sotish taklifi yoki ularni sotib olish yoxud qo‘lga kiritish bo‘yicha taklif (oferta) deb hisoblanmaydi.
Jamiyatning ushbu veb-saytda ko‘rsatilgan qimmatli qog‘ozlari (“Qimmatli qog‘ozlar”) Qimmatli qog‘ozlar to‘g‘risidagi qonun bo‘yicha yoki Amerika Qo‘shma Shtatlarining istalgan shtatidagi qimmatli qog‘ozlarni tartibga soluvchi biron-bir organida ularni tarqatish doirasida taklif qilish yoki sotish uchun ro‘yxatga olinmagan va olinmaydi hamda Qimmatli qog‘ozlar to‘g‘risidagi qonunning ro‘yxatga olish talablaridan ozod etish holatlari yoki ro‘yxatdan o‘tkazish talab qilinmaydigan bitimlar doirasida hamda Amerika Qo‘shma Shtatlarining istalgan shtati yoki boshqa yurisdiksiyasining qimmatli qog‘ozlar to‘g‘risidagi amaldagi qonun hujjatlariga muvofiq amalga oshiriladigan hollar mustasno, Amerika Qo‘shma Shtatlari hududida yoki AQSH shaxslariga taklif qilinishi yoki sotilishi mumkin emas. Amerika Qo‘shma Shtatlarida sotiladigan har qanday Qimmatli qog‘ozlar faqat (i) Qimmatli qog‘ozlar to‘g‘risidagi qonun bo‘yicha 144A-qoidasiga muvofiq va unda belgilangan malakali institutsional xaridorlar bo‘lgan yoki Qimmatli qog‘ozlar to‘g‘risidagi qonunning 5-bo‘limidagi ro‘yxatga olish talablaridan boshqa turdagi ozod etish asosida harakat qiluvchi va (ii) AQSHning 1940-yildagi Investitsiya Jamiyatlari to‘g‘risidagi qonunining (o‘zgartirish va qo‘shimchalar bilan birga) 2(a)(51)-bo‘limida belgilangan malakali xaridorlar ekanligi ma’lum bo‘lgan yoki shunday deb hisoblashga asosli ravishda ishoniladigan investorlargagina sotiladi.
Qimmatli qog‘ozlar Avstraliya, Kanada yoki Yaponiya qonunchiligining qimmatli qog‘ozlar to‘g‘risidagi amaldagi qonun hujjatlariga muvofiq yoki bunday harakat noqonuniy hisoblanadigan yoxud ro‘yxatdan o‘tkazish yoki boshqa choralarni talab qiladigan boshqa har qanday yurisdiksiyada ro‘yxatga olinmagan va olinmaydi, shuning uchun ham ular Avstraliya, Kanada, Yaponiya yoki bunday harakat noqonuniy hisoblanadigan yoxud ro‘yxatdan o‘tkazish yoki boshqa choralarni talab qiladigan boshqa har qanday yurisdiksiyada ro‘yxatdan o‘tgan manzilga ega bo‘lgan, joylashgan yoki istiqomat qiladigan biron-bir shaxsga yoki uning hisobidan yoxud manfaati uchun taklif qilinishi yoki sotilishi mumkin emas.
Ushbu veb-saytdagi ma’lumotlardan foydalanish muayyan yurisdiksiyalarda noqonuniy bo‘lishi mumkin va bunday ma’lumotlar hamda hujjatlardan foydalanish huquqi faqat muayyan toifadagi shaxslarga berilishi mumkin. Jamiyat veb-saytidagi hujjatlar bilan tanishishni istagan barcha shaxslar, avvalo, ushbu veb-saytning mazkur bo‘limidan foydalanish huquqini taqiqlovchi yoki cheklovchi yoxud ular tomonidan qimmatli qog‘ozlarni har qanday shaklda sotib olish uchun ro‘yxatdan o‘tish yoki ruxsat olishni talab qiladigan mahalliy qonunlar yoki reglamentlar ta’siri ostida emasliklariga ishonch hosil qilishlari kerak. Bunday ro‘yxatga olish yoki ruxsatnomalar olinmagan va olinmaydi ham. Agar biron-bir shaxs tomonidan amaldagi qonun hujjatlari va reglamentlar buzilsa, Jamiyat buning uchun javobgarlikni o‘z zimmasiga olmaydi.
Yevropa iqtisodiy hududining (“Yevropa Iqtisodiy Hududi” – YIH) istalgan a’zo davlatida veb-saytdagi ma’lumotlar va hujjatlar faqatgina (Yevropa Ittifoqi (YI)) 2017/1129 Reglamenti ma’nosidagi ushbu a’zo davlatdagi malakali investorlarga (“YI Malakali Investori”) qaratilgan va yo‘naltirilgan.
Birlashgan Qirollikda veb-saytdagi ma’lumotlar va hujjatlar faqatgina Birlashgan Qirollikning 2024-yildagi Qimmatli qog‘ozlarni ommaviy taklif qilish va savdoga qo‘yish to‘g‘risidagi reglamentining (“POATRs”) 1-ilovasi 15-bandi ma’nosidagi malakali investorlarga qaratilgan va yo‘naltirilgan bo‘lib, ular bir vaqtning o‘zida quyidagilardan biri bo‘lishi shart: (i) 2000-yildagi Moliyaviy xizmatlar va bozorlar to‘g‘risidagi qonunning (Moliyaviy xizmatlarni rag‘batlantirish to‘g‘risidagi 2005-yilgi buyruq, o‘zgartirishlar bilan birga, “Buyruq”) 19(5)-moddasiga muvofiq professional investorlar; (ii) Buyruqning 49(2)-moddasida ko‘rsatilgan yuqori sof qiymatga ega bo‘lgan yuridik shaxslar, ro‘yxatdan o‘tmagan uyushmalar va shirkatlar hamda yuqori qiymatli trastlarning ishonchli vakillari; yoki (iii) ushbu ma’lumot qonuniy ravishda yetkazilishi mumkin bo‘lgan boshqa shaxslar (yuqorida ko‘rsatilgan barcha shaxslar birgalikda – “Tegishli shaxslar” deb yuritiladi). Qimmatli qog‘ozlar faqatgina YIHda YI malakali investorlari uchun, Birlashgan Qirollikda esa Tegishli shaxslar uchun mavjud bo‘lib, ushbu Qimmatli qog‘ozlarga obuna bo‘lish, ularni sotib olish yoki boshqa yo‘l bilan qo‘lga kiritish bo‘yicha har qanday taklif, o‘zaro kelishuv yoki shartnomalar faqatgina ko‘rsatilgan shaxslar bilan tuziladi. YIHda EI malakali investori bo‘lmagan yoki Birlashgan Qirollikga Tegishli shaxs hisoblanmagan har qanday shaxs ushbu veb-saytdagi biron-bir hujjat asosida ish ko‘rmasligi yoki ularga tayanmasligi lozim.
Izoh: Qimmatli qog‘ozlar to‘g‘risidagi qonunning S reglamentidagi 902(k)-qoidasiga muvofiq, “AQSH shaxsi” deganda quyidagilar tushuniladi: (i) Amerika Qo‘shma Shtatlarida istiqomat qiluvchi har qanday jismoniy shaxs; (ii) Amerika Qo‘shma Shtatlari qonunlariga muvofiq tashkil etilgan yoki ro‘yxatdan o‘tgan har qanday shirkat yoki korporatsiya; (iii) ijrochisi yoki ma’muri AQSH shaxsi bo‘lgan har qanday meros mulki; (iv) ishonchli boshqaruvchisi AQSH shaxsi bo‘lgan har qanday trast; (v) xorijiy tashkilotning Amerika Qo‘shma Shtatlarida joylashgan har qanday agentligi yoki filiali; (vi) diler yoki boshqa ishonchli vakil tomonidan AQSH shaxsining manfaati uchun yoki uning hisobidan saqlanadigan har qanday ixtiyoriy bo‘lmagan hisobvaraq yoki shunga o‘xshash hisobvaraq (meros mulki yoki trastdan tashqari); (vii) Amerika Qo‘shma Shtatlarida tashkil etilgan, ro‘yxatdan o‘tgan yoki (agar jismoniy shaxs bo‘lsa) o‘sha yerda istiqomat qiluvchi diler yoki boshqa ishonchli vakil tomonidan saqlanadigan har qanday ixtiyoriy hisobvaraq yoki shunga o‘xshash hisobvaraq (meros mulki yoki trastdan tashqari); va (viii) har qanday shirkat yoki korporatsiya, agar u: (a) har qanday xorijiy yurisdiksiya qonunlariga muvofiq tashkil etilgan yoki ro‘yxatdan o‘tgan bo‘lsa; va (b) asosan Qimmatli qog‘ozlar to‘g‘risidagi qonun bo‘yicha ro‘yxatga olinmagan qimmatli qog‘ozlarga investitsiya kiritish maqsadida AQSH shaxsi tomonidan tuzilgan bo‘lsa (jismoniy shaxs, meros mulki yoki trast bo‘lmagan akkreditatsiyalangan investorlar tomonidan tashkil etilgan hamda ularga tegishli bo‘lgan hollar bundan mustasno).
Agar sizga ushbu veb-sahifadagi materiallar bilan tanishishga ruxsat berilmagan bo‘lsa yoki ushbu materiallarni ko‘rishga haqli ekanligingizga ishonchingiz komil bo‘lmasa, iltimos, ushbu veb-sahifadan chiqing.
